«KTZ Express» АҚ Стратегиялық серіктестермен жұмыс істеу жөніндегі департаментінің директоры

Лауазымдық міндеттер:

• Нарықтағы контейнерлік тасымалдар бойынша сатылымдарға мониторинг жүргізеді: барлық бағыттар бойынша тасымалдау кезеңін (маусымдылығын), бәсекеге қабілетті мөлшерлемелер деңгейін бақылайды;
• Қоғамның контейнерлік және мультимодальды сервистерін сатуды ұлғайту бойынша жұмысты ұйымдастырады;
• Клиенттерге бәсекеге қабілетті мөлшерлемелер ұсыну мақсатында көліктік шығындарды барынша азайтуға қол жеткізу үшін бәсекелестердің қолданыстағы тарифтік шарттарына талдау жүргізеді;
• Ықтимал клиенттерге шарттар жасасу бойынша коммерциялық ұсыныстар жібереді;
• Шарттарды орындау барысында клиенттермен туындайтын келіспеушіліктерді реттейді, клиенттерге және Қоғам филиалдарына шарттардың талаптары бойынша ресми түсіндірмелер жібереді, шарттарды келісу, өзгерту/толықтыру (қосымша келісімдер жасасу) және бұзу процестерін ұйымдастырушылық қамтамасыз етеді;
• Департамент қызметкерлерінің клиенттерге коммерциялық ұсыныстар жасау, шарттар, қосымша келісімдер, Бағалар хаттамаларын жасасу бөлігіндегі жұмысын бақылайды;
• Департамент қызметкерлерінің жасалған көліктік-экспедициялық қызметтер көрсету шарттары туралы деректердің Қоғамның ақпараттық жүйесіне (ИРС–тасымалдар) толық әрі дұрыс енгізілуін қамтамасыз ету бөлігіндегі жұмысын бақылайды;
• Департамент қызметкерлерінің Клиенттердің сұрау салулары бойынша Қоғамның ақпараттық жүйелерінде (Aikey CRM) мөлшерлемелерді қалыптастыру және есептеу бөлігіндегі жұмысын қамтамасыз етеді;
• Департамент қызметкерлерінің қолма-қол тапсырылған және Қоғамның ақпараттық жүйелеріне келіп түскен хаттарды уақтылы жабуын қамтамасыз етеді;
• Дебиторлық берешекті және клиенттермен талап-арыз жұмысын жүргізуді бақылайды;
• Қоғамның ақпараттық жүйелерінде (ИРС «Тасымалдар», CRM) тасымалдарды ұйымдастыруды және оларды уақтылы жабуды, оның ішінде шарттарға дұрыс байланыстыруды, өткізу операцияларын есептеуді және орындалған жұмыстар актілерін ресімдеуді бақылайды.

Біліктілік талаптары:

• Білімі: жоғары (немесе жоғары оқу орнынан кейінгі).
• Мамандығы:
  Көлік, көлік техникасы және технологиялары; Вагондар; Құрылыс (Теміржолдарды салу, жол және жол шаруашылығы); Тасымалдауды, қозғалысты ұйымдастыру және көлікті пайдалану (теміржол көлігі); Экономика; Қаржы; Логистика (көліктегі); Менеджмент; Есеп және аудит.
• Жұмыс тәжірибесі: қызмет бағыты бойынша кемінде 6 жыл, оның ішінде қызмет бағыты бойынша басшылық лауазымдарда кемінде 4 жыл.