«KTZ Express» АҚ комплаенс-бақылаушысы

Лауазымдық міндеттері:

• Қоғамда және оның еншілес ұйымдарында сыбайлас жемқорлық құқық бұзушылықтарының алдын алу құралдарын енгізуді қамтамасыз етеді;
• Қоғамда және еншілес ұйымдарда сыбайлас жемқорлыққа қарсы саясаттың тиімділігіне қатысты ақпаратты жинауды, өңдеуді, жинақтауды, талдауды және бағалауды қамтамасыз етеді;
• Қоғам мен еншілес ұйымдардың қызметіндегі сыбайлас жемқорлық тәуекелдеріне ішкі талдау жүргізуді үйлестіреді;
• Қоғамда және еншілес ұйымдарда анықталған сыбайлас жемқорлық тәуекелдеріне, сондай-ақ оларды төмендету және жою жөнінде қабылданып жатқан шараларға мониторинг жүргізуді қамтамасыз етеді;
• Қоғамда және еншілес ұйымдарда сыбайлас жемқорлыққа қарсы іс-қимыл мәселелері бойынша консультациялар беруді, түсіндіру жұмыстарын жүргізуді және сыбайлас жемқорлыққа қарсы мәдениетті қалыптастыруды қамтамасыз етеді;
• Қоғам және еншілес ұйымдар қызметкерлерінің сыбайлас жемқорлыққа қарсы іс-қимыл, корпоративтік этика мен мінез-құлық, мүдделер қақтығысын реттеу, бастамашылық хабарлау мәселелері бойынша ішкі нормативтік құжаттарды сақтауын бақылауды қамтамасыз етеді;
• Бастамашылық хабарлау желісінің жұмысын, сондай-ақ келіп түскен өтініштер мен шағымдарды уақтылы қарауды қамтамасыз етеді;
• Қоғам мен еншілес ұйымдардың негізгі бизнес-процестерінің сыбайлас жемқорлық тәуекелдеріне бейімділігіне талдау жүргізуді және бизнес-процестерді жетілдіру жөніндегі ұсынымдарды дайындауды қамтамасыз етеді;
• Қоғамда және еншілес ұйымдарда контрагенттердің сенімділігіне тексеру (due diligence) жүргізу рәсімдерін қамтамасыз етеді, оның ішінде «Самұрық-Қазына» АҚ мен дауыс беретін акцияларының (қатысу үлестерінің) елу және одан да көп пайызы тікелей немесе жанама түрде меншік немесе сенімгерлік басқару құқығымен «Самұрық-Қазына» АҚ-ға тиесілі заңды тұлғалардың сатып алуды жүзеге асыру қағидаларында көзделген жағдайларда, Комплаенс-бақылаушы осындай тәсілді қолдануды келіскен бір көзден сатып алу рәсімдері бойынша;
• «Жедел желі» бастамашылық хабарлау жүйесі арқылы келіп түскен хабарламалар бойынша тексерулер жүргізуді қамтамасыз етеді;
• Қоғамның комплаенс-тәуекелге немесе беделдік тәуекелге ұшырау деңгейіне әсер ететін келіп түсетін хабарламаларға жүйелі талдау жүргізуді қамтамасыз етеді.

Біліктілік талаптары:

• Білімі: жоғары (жоғары оқу орнынан кейінгі).
• Бизнес-менеджмент, экономика, қаржы немесе құқықтану бағыты бойынша магистр дәрежесі.
• Мамандығы: Құқықтану; Экономика; Қаржы немесе бизнес-функциялармен байланысты өзге де сабақтас бағыттар.
• Комплаенс және тергеп-тексеру саласындағы халықаралық кәсіби ұйымдар (мысалы, ICA, CFE) немесе «Самұрық-Қазына» АҚ компаниялар тобының мамандарын қайта даярлау және біліктілігін арттыру жөніндегі корпоративтік орталығы берген, біліктілік емтиханын міндетті тапсыру арқылы алынған қолданыстағы кәсіби сертификаттар.
• Жұмыс тәжірибесі: персонал саны, активтер көлемі және басқа да көрсеткіштері бойынша салыстырмалы ірі компанияларда, экономиканың ұқсас немесе сабақтас салаларында Қордың портфельдік компанияларында/Қорда кемінде 5 жыл жұмыс тәжірибесі; Компанияда қолданыстағы комплаенс бағдарламасының негізгі элементтерінің басым бөлігін немесе «Самұрық-Қазына» АҚ-ның Комплаенс функциясы жөніндегі корпоративтік стандартында көзделген талаптарды іске асыруды қамтитын комплаенс функциясы саласында кемінде 3 жыл жұмыс тәжірибесі болуы тиіс.