"ӘТЖК" ЖШС Достық филиалының Бескөл станциясындағы өңіраралық шұғыл әрекет ету оңтайлы тобының күзетшісі

Лауазымдық міндеттер:

• Қорғалатын номенклатуралық жүктерге қылмыстық қол сұғушылықтың алдын алу және профилактикалық іс-шараларды жүзеге асыру, ұрлық жасауға дайындық немесе әрекет ету іздерін анықтау мақсатында күдікті бөгде адамдарды табу;
• Бөгде адамдардың жүктерді ұрлау мақсатында кіруі мүмкін орындарда фото немесе бейнетүсірілімді пайдалана отырып бақылау іс-шараларын жүргізу;
• Қызмет көрсету учаскелерін (станция парктерін, тұйық жолдарды, разъездерді, кірме жолдарды және т.б.) зерттеу, ұрлық жасауға ең қолайлы орындарды анықтау, сондай-ақ криминогендік учаскелер картасын қалыптастыру;
• Өндірістік қажеттілік туындаған жағдайда жүк және транзиттік контейнерлік пойыздарға жария және жасырын физикалық күзетпен ілесіп жүру, сондай-ақ күзет нарядтарын күшейту мақсатында локомотивсіз қалған пойыздарды күзетуді қамтамасыз ету;
• Көліктегі полицияның желілік бөлімшелерімен бірлесіп, темір жолдың ең криминогендік учаскелерін (станция парктерінде, аралықтарда, разъездерде және т.б.) анықтау және пысықтау бойынша мақсатты алдын алу-профилактикалық іс-шараларды жүргізу, қорғалатын номенклатуралық жүктерге қылмыстық қол сұғушылықтың жолын кесу;
• Номенклатуралық жүктердің ұрлануына (жоғалуына) байланысты төтенше жағдайлар мен оқиғаларға жедел әрекет ету, сондай-ақ көліктегі полицияның желілік бөлімшелерімен бірлесіп, ұрлық жасалған орындарды, қылмыс іздері мен құралдарын, ұрланғанды іздеу, күдікті адамдарды анықтау және ұстау бойынша жедел-іздестіру іс-шараларын жүргізу;
• Белгілі бір жерде (станцияларда, аралықтарда, разъездерде және т.б.), сондай-ақ ұрланған жүк табылған орындардың жанында немесе күдіктінің (күдіктілердің) ұрланған жүкпен кетуі ықтимал бағытында жасырын тосқауыл іс-шараларын жүзеге асыру, оларды ұстау мақсатында;
• Қажет болған жағдайда Қазақстан Республикасының заңнамасына сәйкес ұрлық жасауға күдіктілерді, сондай-ақ ұрлық жасағандарды ұстап, құқық қорғау органдарына жеткізу, қылмыс құралдарын және басқа да заттай дәлелдемелерді тапсыру;

Біліктілік талаптары:

Білімі: орта (міндетті түрде арнайы оқу орталығында бастапқы дайындық курсын аяқтағаны туралы куәліктің болуы қажет).

Жұмыс тәжірибесі: еңбек өтіліне талап қойылмайды.

Қосымша талаптар:

Конкурс комиссиясының отырысына дейін кандидат тиісті медициналық қорытындысы болған жағдайда, ТОО «ВЖДО» Бас директорының 2025 жылғы 12 ақпандағы №14-ң/қ бұйрығымен бекітілген дене шынықтыру нормативтерін тапсыруы тиіс:

«100 метрге жүгіру» жаттығуы;

«Шаттл жүгіру» жаттығуы (10 метрді 10 рет) – жүгіру жолында немесе қатты беткейде орындалады. Кандидат старт сызығының алдында тұрады, сызықтан өтуге болмайды. Старт қалпы (төменгі, жоғары) белгіленбейді;

«Турникке тартылу» жаттығуы – бастапқы қалып: турникке үстінен ұстап ілу, қолдар түзу, аяқтар түзу және қосылған немесе айқастырылған, тірекке тимейді;

«Күштік жаттығулар кешені»:

Қолды бүгіп-жазып, жерге кеудемен тигізіп, бастапқы қалыпқа қайту арқылы 10 рет жаттығу;

Толық отырып тұруға көшу – 10 рет;

Толық отырып тұрудан жоғарыға секіру – 10 рет;

Арқада жатып, денені көтеру – 10 рет. Жаттығулар арасында демалыссыз орындалады. Қате орындалған жағдайда «есептелмейді» командасы беріледі (ең көбі үш рет), кейінгі бұзушылықта кандидат жаттығудан шығарылады;

«1000 метрге жүгіру» жаттығуы – жүгіру жолында немесе қатты беткейде орындалады. Кандидат старт сызығының алдында тұрады, сызықтан өтуге болмайды. Старт қалпы белгіленбейді.

Жасы: 35 жасқа дейін қоса алғанда.

Бойы: кемінде 175 см.