"ҚТЖ-Жүк тасымалы" ЖШС "Отын ресурстары орталығы" филиалының бухгалтерлік есеп бөлімінің бастығы

Лауазымдық міндеттер:

• Кірістер мен шығыстарды есепке алуға қатысты бөлігінде қолданыстағы заңнаманың талаптарына сәйкес бухгалтерлік есепті жүргізу жөніндегі жұмысты үйлестіреді; 
• бухгалтерлік, салықтық, статистикалық есепке алуды жүргізудің, есептілікті ұсынудың, бухгалтерлік, салықтық, статистикалық есепке алу мәселелері бойынша Қазақстан Республикасы заңнамасының талаптарына ҚЕХС талаптарына сәйкестігін бақылауды жүзеге асырады; 
• мүлікті, міндеттемелерді және шаруашылық операцияларды, келіп түсетін негізгі құралдарды, тауарлық-материалдық құндылықтар мен ақшалай қаражаттарды есепке алуды, олардың қозғалысына байланысты операцияларды бухгалтерлік есеп шоттарында уақтылы көрсетуді ұйымдастырады; 
• құжаттардың, орындалатын жұмыстардың (көрсетілетін қызметтердің) уақтылы және дұрыс ресімделуін, заңнамаға сәйкес салық және бюджетке төленетін басқа да міндетті төлемдердің, зейнетақы және әлеуметтік аударымдардың дұрыс есептелуін және аударылуын қамтамасыз етеді; 
• нақты деректер, тиісті бухгалтерлік жазбалар негізінде белгіленген мерзімдерде айлық, тоқсандық және жылдық қаржылық есептерді уақтылы жасауды және ұсынуды жүзеге асырады;
• салықтар мен алымдардың бюджеттерге, әлеуметтік аударымдар мен зейнетақы аударымдарына, несие ұйымдарына төлемдердің уақтылы аударылуын, қарыздар бойынша берешектердің өтелуін бақылайды; 
• негізгі құралдарға, тауарлық-материалдық құндылықтарға және есептеулерге түгендеудің уақтылы жүргізілуіне бақылауды жүзеге асырады; 
• құзыреті шегінде өтінімдерді, бастапқы құжаттарды, шарттарды, келісімдерді, бухгалтерлік, салықтық және статистикалық есеп мәселелері бойынша регламенттерді келіседі;
• Филиалдың автоматтандырылған, бухгалтерлік және салықтық есебін жүргізудің және қаржылық есептілігін жасаудың дұрыстығын қамтамасыз ететін бухгалтерлік есептің автоматтандырылған жүйелерін тұрақты сүйемелдеу және дамыту үшін жағдайлар жасау жөніндегі жұмыстарды ұйымдастырады; 
• 1С бағдарламалық қамтамасыз етуден SAP корпоративтік жүйесіне қаржылық есептерді түсіруді қамтамасыз етеді;
• Серіктестікпен, сондай-ақ Серіктестіктің құрылымдық бөлімшелерімен өзара есеп айырысу бойынша салыстырып тексеру жүргізеді; 
• есепті тұлғалармен есеп айырысуларды есепке алуды ұйымдастырады, аванстық есептердің дұрыс және уақтылы жасалуын, сондай-ақ олардың ішкі нормативтер мен заңнамаға сәйкестігін бақылайды; 
• бухгалтерлік құжаттардың, қаржылық, статистикалық, салықтық есептердің қағаз және электрондық жеткізгіштерде сақталуын, оларды ресімдеуді және мұрағатқа беруді, ал сақтау мерзімі өткеннен кейін оларды жоюды қамтамасыз етеді; 
• Филиалдың желілік деңгейлерінің құрылымдық бөлімшелерінің бухгалтерлік есепті ұйымдастыру және қаржылық және салықтық есептілікті қалыптастыру мәселелері бойынша жұмыстарын үйлестіреді;
• шоттардың жұмыс жоспарын, шаруашылық операцияларды ресімдеу үшін қолданылатын, үлгі нысандары көзделмеген бастапқы есепке алу құжаттарының нысандарын, Филиалдың ішкі бухгалтерлік есептілігі құжаттарының нысандарын әзірлеу және қабылдау жөніндегі жұмысқа қатысады;
• Филиал қызметінің ерекшеліктерін ескере отырып, салық салу саласындағы құқық бұзушылықтарды болдырмау үшін ішкі шаруашылық резервтерін анықтау, шығындар мен өнімсіз шығындарды жою мақсатында бухгалтерлік және салықтық есепке алу және есептілік деректері бойынша кәсіпорынның шаруашылық-қаржылық қызметіне талдау жүргізуге қатысады;
• Бөлім қызметкерлеріне, филиалдың отын қоймаларының қызметкерлеріне бухгалтерлік және салық есебін жүргізу мәселелері бойынша әдістемелік қолдау көрсетеді, оқытады, нұсқама жүргізеді;
• бухгалтерлік есеп шоттарынан кемшіліктерді, дебиторлық берешекті және басқа да шығындарды есептен шығару заңдылығының қатаң сақталуын қамтамасыз ету жөніндегі жұмысты үйлестіреді;
• Филиалдың жеке және шоғырландырылған есептілігіне аудит жүргізу шеңберінде аудиторлық компаниялармен өзара іс-қимыл жасайды;
• Отын қоймаларынан бастапқы құжаттамалардың (шот-фактуралардың түпнұсқалары, орындалған жұмыстардың (көрсетілген қызметтердің) актілері, тауар-көлік жүкқұжаттары, тапсыру қабылдау актілері, салыстыру актілері және т. б.) жиналуын бақылауды, бас ұйымға дайындауды және тапсыруды жүзеге асырады. 

Біліктілік талаптары:

• Білімі: жоғары. 
• Мамандығы: қаржы, бухгалтерлік есеп, экономика, менеджмент.
• Жұмыс тәжірибесі: қызмет бейіні бойынша кем дегенде 3 жыл, басшылық лауазымында кем дегенде 1 жыл.