ЖОЛСЕРІК БОЛҒЫҢЫЗ КЕЛЕ МЕ? КӘСІБИ ОҚУДАН БАСТАҢЫЗ!

Теміржол саласында еңбек етіп, «Жолаушылар тасымалы» АҚ ұжымының бір мүшесі атанғыңыз келе ме? Болашақ мамандығыңызға алғашқы қадамды бүгіннен жасаңыз! «ҚТЖ» ҰК» АҚ-ның Теміржол көлігі қызметкерлерін бағалау және дамыту орталығында «Жолаушылар вагонының жолсерігі» мамандығы бойынша кәсіби даярлықтан өтіңіз!

Оқу барысында жолаушылар пойыздарында жұмыс істеуге қажетті білім мен тәжірибелік дағдыларды меңгересіз.

Сондай-ақ қауіпсіздік талаптарын, жолаушыларға қызмет көрсету тәртібі мен стандарттарын үйренесіз. Оқу туралы не білу керек? Оқу мерзімі — 1 ай (144 академиялық сағат);

Оқу басталар алдында үміткерлер тестілеуден өтеді;

Оқуды сәтті аяқтағандарға «Жолаушылар вагонының жолсерігі» мамандығы бойынша кәсіби даярлықтан өткенін растайтын құжат беріледі.

МАҢЫЗДЫ!

ЖҰМЫСҚА ОРНАЛАСУДА БАСЫМДЫҚ БЕРІЛЕДІ!

«Жолаушылар тасымалы» АҚ болашақ жолсеріктердің кәсіби даярлығына ерекше көңіл бөледі.

Жолсеріктерді жұмысқа қабылдау кезінде Теміржол көлігі қызметкерлерін бағалау және дамыту орталығында арнайы оқудан өтіп, тиісті құжат алған үміткерлерге басымдық беріледі.

Осылайша, кәсіби даярлықтан өту теміржол саласында жолсерік болып еңбек еткісі келетін азаматтардың жұмысқа орналасу мүмкіндігін арттырады.

Оқу ақысы мен шарттары:

• Оқу ақысы — 186 918 теңге (ҚҚС қоса есептегенде);
• Тұру ақысы (30 тәулік) — 71 584 теңге (ҚҚС қоса есептегенде);
• Үш мезгіл тамақтану — 120 000 теңге.

Теміржол саласындағы еңбек жолыңызды кәсіби даярлықтан бастаңыз! Толық ақпарат алу және оқуға жазылу үшін төмендегі сайтқа өтіңіз: https://edutransport.railways.kz

Байланыс нөмірі: +7 7172 93 45 85